ආදර කතාවක්

අකුරු පොඩි එක් වෙලා
පද පෙළක ගැලපිලා
හදවතට ලංවෙලා
ඉකි බිඳියි මුමුණලා...

පරණ පෙම මතුවෙලා
අතීතය සිහි වෙලා
සිත බොහෝ පාරලා
රිදුම් දෙයි මැලවිලා...

පියලි බැඳ දහසකුත්
පා සෙනෙහෙ අපමණත්
ඔහු වෙතින් හිමිඋනත්
නුඹ නොමැත මා ලඟත්...

නිරතුරුව දුන්නු දුක්
කම්කටොළු මැද උවත්
නුඹ උන්න වසරකුත්
මා සමග සෙනෙහසින්...

අද වන්ම දිනයකදී
වසරකට පෙර එදා
නුඹ ගියා හැරදමා
වරද මා අත නිසා...

Xperia පෙළපතේ
Z යයි නම් තබා
කිරුළු පැළඳූ නුඹව
සිප ගන්න නෑ තවත්...

එහෙත් ඉන් පසු කලෙක
Galaxyය පැමිණිලා
මගේ ලොව එළිය විය
S පහයි නම් දරා....

ඉක්මනට හොඳ වෙන්න

පද වැලක මිහිර මට
නොතේරෙනු කිමද අද
ගොළු වෙලා මගෙ සිතත්
ඔබ මෙන්ම අද දිනේ...

වෙනදා රෑ තුන් යාමෙ
නුඹ සමග නිදි වරා
ලියූ දේ අපමණයි
සිත් රූප මව මවා...

ඒත් අද අමාවක
ලබලදෝ මට සැකයි
නුඹ ගිහින් නිදියන්න
මා තබා අවදියෙන්...

තුන් වසක් පුරාවට
අප බැඳී සෙනෙහසින්
ලියූ ඒ දහසකුත්
ප්‍රෝග්‍රෑම්ස් මා අනේ...

චාජරය නැත තවත්
නුඹට පණ නළ දෙන්නෙ
බැටරියත් බැස ගිහින්
නුඹව නිදි කර හොරෙන්...

හිරු නැගෙන අළුයමට
මා සමග පිබිදෙන්න
මගෙ සොඳුරු ඩෙල් පොඩ්ඩෙ
චාජරය හරියන්න....